“Most” do të monitorojë zgjedhjet me 1.500 vëzhgues - Bota Sot
“Most” do të monitorojë zgjedhjet me 1.500 vëzhgues

Maqedonia

“Most” do të monitorojë zgjedhjet me 1.500 vëzhgues

Më: 20 prill 2019 Në ora: 14:51
Most

Asociacioni qytetar “Most” do të monitorojë zgjedhjet e nesërme me më shumë se 1.500 vëzhgues. Në 1.160 vendvotime, vëzhguesit e “Most” do të mbulojnë 33 për qind të numrit të përgjithshëm të qendrave të votimit në Republikën e Maqedonisë së Veriut.

Nga nisma qytetare “Most” thanë se vëzhguesit e tyre ishin statikë dhe do të monitoronin procedurën e votimit gjatë gjithë ditës. Përveç kësaj, Most do të vendosë 100 ekipe celulare, të përbërë nga 2 vëzhgues, të cilët do të shërbejnë si mbështetje logjistike për vëzhguesit statikë dhe do të vëzhgojnë herë pas here vendet e votimit ku Most nuk ka vëzhgues statik. Përveç kësaj, 80 vëzhgues do të monitorojnë punën e komisioneve zgjedhore komunale dhe do të monitorohet edhe puna e Komisionit Shtetëror Zgjedhor.

Përveç votimit të së nesërmes, Most gjithashtu do të vëzhgojë edhe votimin e parakohshëm të personave të sëmurë dhe me aftësi të kufizuara, personave të zhvendosur brenda vendit dhe personave nëpër burgje ose paraburgim.

Gjatë ditës së zgjedhjeve, qytetarët mund të raportojnë çdo parregullsi ose të japin informacione lidhur me procesin zgjedhor në linjën telefonike pa pagesë 080 080 080.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...