Kampi “Treska” në Strugë, në gjendje të mjerueshme - Bota Sot
Kampi “Treska” në Strugë, në gjendje të mjerueshme

Maqedonia

Kampi “Treska” në Strugë, në gjendje të mjerueshme

Më: 20 prill 2019 Në ora: 19:25
Strugë

Dikur auto- kamp elitar ndërsa sot tmerr i vërtetë. Kështu duket kampi i pushimit “Treska” në Strugë. Infrastrukturë tërësisht e shkatërruar, shtëpiza druri të thyera, rimorkio të shkatërruara apo të vjedhura dhe nyje të prishura sanitare. Dikur vendi i preferuar i shumë mysafirëve vendor dhe të huaj, i ndërtuar në vitin 1976, sot është vetëm një kujtim i tranzicionit të rëndë dhe të dhimbshëm. Përderisa bregu i Ohrit dhe Strugë ballafaqohet me ndërtimin e objekteve të reja dhe shkatërrimin e ambientit jetësor, disa kapacitete të vjetra turistike po shkatërrohen.

Nga kohërat e mira, tani kanë mbetur vetëm kujtimet që i kujtojnë banorët lokal.

“Rreth vitit 1995 kur e mbante “Treska” si fabrikë filloi të dështojë. Më herët kishte lëvizje dhe e blenë kinse disa grek. Tani s’ka qasje, rrymë e as rimorkio”.

“Ishte bukur. Rreth 20 persona ishin këtu të punësuar. Kishte roje nga Radozhda ndërsa kishte edhe ambulancë”.

Treska dikur posedonte rreth 300 rimorkio për kamp, apartamente dhe dhoma hoteli. Sot auto- kampi është vend ku ndodhin aktivitetet të ndaluara.

“Gjejmë shiringa. Treska nuk ekziston më, qëndron vetëm në letër. Shumë gjëra ndodhin aty, thjesht ki frikë të shkosh. Nuk është sekret që në Treska përdoret edhe droga”.

Gjatë tranzicionit në vitet e 90-ta, ky auto- kamp kishte filluar të shkatërrohet. Në vitin 1997 ka pushuar me punë duke falimentuar. Nga Agjencia për mbështetje dhe promovim të turizmit nën kompetencën e të cilës është ndarja e lejeve për auto- kampe, thonë se në nivel të shtetit, nga gjithsej 14, vetëm pesë auto- kampe janë në gjendje të mirë. Një pjesë e madhe kanë marrëdhënieve të parregulluara pronësoro- juridike dhe kjo, siç shprehen nga Agjencia paraqet problem që të investohet në këto kapacitete.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...