Kandidatja në zgjedhjet presidenciale në Maqedoninë Veriore, Gordana Siljanovska Davkova, e mbështetur nga partia më e madhe e opozitës VMRO-DPMNE, tha se nëse nuk do të shkojë në raundin e dytë, ajo do të votojë për kandidatin e pavarur të mbështetur nga Aleanca Shqiptare e Shqiptarëve dhe BESA, Blerim Reka.
“Duhet të dëshmojmë kapacitetin demokratik për zgjedhje të ndershme dhe demokratike”, tha Siljanovska Davkova pas votimit të sotëm.
"Unë u përpoqa me fushatën, me dije, përkushtim dhe argumente për të provuar se gratë kanë tipare të veçanta dhe një mënyrë të veçantë për të zgjidhur problemin. Pres që të hyjë në raundin e dytë dhe nëse nuk hyj rastësisht, do të votoj për Rekën për shkak të ekspertizës dhe kompetencave, "tha Davkova, transmeton portali Plusinfo.
Në garë për pasardhësin e Gjorge Ivanovit janë tre kandidatë; Stevo Pendarovski, i nominuar nga Lidhja Social Demokrate dhe 31 parti tjera, përfshirë edhe Bashkimin Demokratik për Integrim të Ali Ahmetit; Gordana Silajnovska-Davkova e opozitës maqedonase të udhëhequr nga VMRO DPMNE dhe Blerim Reka, kandidat i propozuar nga dy partitë shqiptare të opozitës, Aleanca për Shqiptarët dhe Lëvizja Besa.
Aktualisht sipas rezultateve kandidati i LSDM-së Stevo Pendarovski prinë me 41.77 për qind të votave para kandidatit të VMRO-DPMNE-së Gordana Siljanovska Davkova me 38.69%. Kandidati shqiptar Blerim Reka ka 15.65 për qind.
Presidenti mund të zgjidhet në raundin e parë, nëse ndonjëri nga kandidatët merr mbi 50 për qind të numrit të përgjithshëm të votave, por deri me sot kjo nuk ka ndodhur asnjëherë, kështu që balotazhi për ata që do të rezultojnë dy garuesit kryesore, është caktuar të mbahet në 5 maj.
