“Maqedonia e Veriut kishte zgjedhje të qeta dhe demokratike” - Bota Sot
“Maqedonia e Veriut kishte zgjedhje të qeta dhe demokratike”

Maqedonia

“Maqedonia e Veriut kishte zgjedhje të qeta dhe demokratike”

Më: 22 prill 2019 Në ora: 08:34
Foto ilustrim

“Zgjedhje skandinave, të qeta, fer dhe demokratike”, këto janë vlerësimet për zgjedhjet presidenciale nga pjesëmarrësit e procesit zgjedhor, organizatorët dhe MPB. Vlerësimin duhet ta japë sot edhe misioni i OSBE-së dhe Asociacioni MOST, që kishin pjesën më të madhe të vëzhguesve.

Kryetari i KShZ-së, Oliver Derkoski mbrëmë vonë vlerësoi procesin zgjedhor si të pastër dhe të qetë. Është e rëndësishme, tha ai, se nuk kishim vërejtje serioze në procesin zgjedhor nga pjesëmarrësit, por edhe nga vëzhguesit e huaj.

“Dita zgjedhore ishte në atmosferë fer dhe demokratike. Kishim zgjedhje skandinave, që i ngjan një shteti, anëtar i ardhshëm në NATO dhe BE”, vlerësuan mbrëmë nga shtabi zgjedhor i Stevo Pendarovskit.

Nga partia opozitare maqedonase OBRM-PDUKM theksuan se votimi ka qenë fer dhe demokratik, duke cekur disa shkelje të caktuara.

Nga shtabi zgjedhor i Blerim Rekës vlerësuan se zgjedhjet e djeshme kaluan në atmosferë demokratike. Sipas tyre është shqetësuese është dalja e vogël në këto zgjedhje.

Ministri i Punëve të Brendshme Oliver Spasovski në konferencë për shtyp tha se institucionet mund të organizojnë zgjedhje të qeta dhe demokratike.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...