VMRO-DPMNE: Qytetarët thanë se duan drejtësi, Siljanovska fitoi mbështetjen e shumicës - Bota Sot
VMRO-DPMNE: Qytetarët thanë se duan drejtësi, Siljanovska fitoi mbështetjen e shumicës

Maqedonia

VMRO-DPMNE: Qytetarët thanë se duan drejtësi, Siljanovska fitoi mbështetjen e shumicës

Më: 22 prill 2019 Në ora: 10:25
VMRO-DPMNE

Nëpërmjet një njoftimi të partisë opozitare maqedonase thuhet se “Maqedonia dje fitoi. Qytetarët pa frikë thanë se duan drejtësi. Gordana Siljanovska Davkova fitoi mbështetjen e shumicës”.

“Populli dje i fitoi të gjithë mbetjet e tranzicionit. Politikat anti-shtetërore dhe krimi dje u mposhtën”, thonë nga VMRO-DPMNE.

Sipas tyre, nga sot në Maqedoni ka realitet të ri dhe se pushteti është në rënie të vazhdueshme dhe askush tani më nuk frikësohet.

“Gordana Siljanovska Davkova dhe VMRO-DPMNE fituan mbi 30 parti që mbështetën LSDM-në dhe Stevo Pendarovskin”, thonë nga kjo parti.

Maqedonia do të fitojë, shtojnë nga VMRO-DPMNE, frika është mposhtur.

“Maqedonia meriton kryetare që respekton Kushtetutën dhe ligjet. Maqedonia meriton më mirë. Gordana Siljanovska Davkova është zgjedhje e vërtetë, për drejtësi. Për një të ardhme më të mirë”, thuhet në kumtesën e VMRO-DPMNE-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...