Agjencia për Punësim: Gjithsej 950 të rinj janë përfshirë në programin “Praktikë

Maqedonia

Agjencia për Punësim: Gjithsej 950 të rinj janë përfshirë në programin “Praktikë

Më: 24 prill 2019 Në ora: 22:55
Ilustrim

Gjithsej 950 të rinj filluan me realizimin e punës praktike përmes programit “Praktikë”, që është pjesë e planit operativ për programe dhe masa aktive për punësim dhe shërbime në tregun e punës për vitin 2019.

Siç njoftojnë nga Agjencia për Punësim, programi “Praktikë” vitin e kaluar ishte një nga programet më të kërkuara dhe në të u përfshinë 1.263 persona të papunë deri në moshën 34 vjeçare

“Për shkak të interesit të madh këtë vit mbulimi u rrit në 1.625 persona që është mbulim më i lartë për këtë program deri më tani. Në vazhdim është përfshirja e marrëveshjeve derisa nuk përmbushet mbulimi i paraparë i shfrytëzuesve”, thonë nga Agjencia për Punësim.

Ata shtojnë se të rinjtë në punën praktike janë përfshirë në tregti me shumicë dhe pakicë, veprimtari të mbrojtjes shëndetësore dhe sociale, veprimtari shkencore dhe teknike, industri përpunuese, veprimtari të tjera shërbyese etj.

Siç thonë nga Agjencia, qëllimi i programit është arritja e diturive praktike të punës dhe aftësi të nevojshme për kryerjen e detyrave të punës në vende të caktuara të punës.

Personat që do të përfshihen në praktikë do të marrin kontribut mujor në vlerë prej 9.000 denarë në muaj (me sigurim të përfshirë për invaliditet dhe dëmshpërblim trupor të shkaktuar nga lëndimi në punë dhe sëmundje profesionale dhe tatim personal) për periudhën prej tre muajve.

Programi është i dedikuar për persona të papunë deri në 34 vjet me minimum arsim fillor dhe punëdhënës nga sektori privat dhe qytetar.

commentFirst article
Sot mund të lexoni Shfletoni kopertinat