Në emision debatues në Klan Maqedoni, kryetari i Partisë Demokratike Shqiptare, Menduh Thaçi foli për zgjedhjet presidenciale të rrethit të parë duke thënë se votat që i “sjelli PDSh-së kanë qenë të sinqerta dhe çon në përparësi kandidatin e LSDM-së, Stevo Pendarovski”.
Bashkimi Demokratik për Integrim, sipas kreut të PDSh-së s’ka mundur të mbledhë vota të mjaftueshme dhe e vetmja komunë ku ka fituar kandidati presidencial është komuna e Studeniçanit, komunë kjo që, siç thotë Thaçi udhëheq Partia Demokratike Shqiptare.
Thaçi përmendi se nuk ka qenë në tubimet e kandidati presidencial për shkak se vazhdon të besojë në parti kombëtare dhe se s’mund njëherit të shkrihen partitë në LSDM.
Rreth kryetarit koncensual, Thaçi përmendi se “kryetari koncensual do të jetë i përkatësisë etnike kur do të zgjidhet në Kuvend”.
