Kryetari i VMRO-DPMNE-së, Hristijan Mickoski në intervistë për “Nezavisen” mes tjerash tha se kryeministri Zoran Zaev më kot paralajmëron “pastrime” kur nuk ka kuadër cilësor dhe të freskët që do ta ndryshonte kuadrin ekzistues.
“Ky është i njëjti para disa muajve na bindte se nëse i ndërron ato njerëz s’ka me cilën të punojë, ndërsa tani thotë se do të pastrojë”, thotë Mickoski duke shtuar se nuk ka njeri cilësor për Zaev për shkak se ai është i rrethuar me krim dhe nepotizëm.
Ai theksoi se partia e tij kanë plan se si duhet të reformohet gjyqësia që Qeveria e tashme nuk i ka dhënë rezultatet e nevojshme.
“Ata janë të kapur në të kaluarën, ne kemi plan të vërtetë, si do të reformohet gjyqësia dhe prokuroria, për shkak se kjo është esencë për ekonomi më të mirë, më shumë para në buxhet dhe më shumë subvencione. Kemi vizion të qartë se si Maqedonia duhet të duket për 10 vite”, tha Mickoski duke kritikuar Zaevin që për dy vite e gjysmë gjyqësia ende nuk është reformuar.
