Kryeministri Zoran Zaev në tubimin e djeshëm në Kumanovë, në kuadër të fushatës presidenciale tha se nuk është më kryetar i Këshillit për reforma gjyqësore.
Këtë përgjigje e dha me sugjerimin e një qytetari i cili tha se një kryeministër nuk duhet të udhëheq një komision të tillë.
“Dhashë dorëheqje nga Këshilli për reforma gjyqësore, nuk jam atje kryetar. Patjetër e kisha që të jem në fillim, ndërsa tani në krye të këtij komisioni është Renata Deskoska”, tha Zaev para të pranishmëve.
Kryeministri Zaev në krye të Këshillit për reforma gjyqësore u emërua në mbledhjen e 57-të të Qeverisë kur Qeveria formoi Këshillin për ndjekjen dhe zbatimin e strategjisë në gjyqësi 2017-2022.