Komisioni Shtetëror për Parandalimin e Korrupsionit në seancën e sotme ka refuzuar pesë ankesat e dorëzuara nga sekretari i përgjithshëm i VMRO-DPMNE-së Igor Janushev, si parti pjesëmarrëse/organizuese e fushatës zgjedhore.
VMRO-DPMNE dorëzoi pesë ankesa për shkelje të Kodit Zgjedhor që sipas tyre janë bërë gjatë fushatës për raundin e dytë të zgjedhjeve presidenciale.
Ankesa e parë është kundër Ndërmarrjes komunale publike Gazi Babë 2007, tjetra kundër Kryetarit të Komunës së Gazi Babës Shkup, ndërsa ankesa e tretë kundër Kryetarit të Komunës së Shuto Orizarës.
Ankesa e katërt e parashtruar në KSHPK është kundër Kryetarit të Komunës së Kisella Vodës, ndërsa e pesta kundër Kryetarit të Bashkisë së Shkupit.
