Në Komunën e Ohrit dhe komunën e Novo Sellës sot përvec zgjedhjeve presidenciale mbahen edhe zgjedhjet për kryetar të komunës.
Sipas Komisionit Shtetëror Zgjedhor (KSHZ) në Maqedoni, në këto komuna dalja e qytetarëve deri ora 15:00 ka qenë afër 34%.
Në këto komuna, për zgjedhjet presidenciale dalja kanë qenë: 33,78% në Novo Sellë dhe 35.10% në Ohër.
Përndryshe, këto dy komuna mbetën pa kryetarë komune të zgjedhur në vitin 2017, pasi ish kryetari i komunës së Ohrit ndërroi jetë, kurse, ish kryetari i Novo Sellës u arrestua për kontrabandë të cigareve dhe i njejti dha dorëheqje morale.
Komuna e Dibrës gjithashtu ishte pa kryetar komune deri para dy jave ku dibranët zgjodhën Hekuran Dukën si kryetar për dy vitet e ardhshme.