Vizitë historike e Papës Françesku në Shkup, është vlerësimi i përbashkët i gazetarëve që sot ndoqën vizitën e tij.
Për En Haris nga Organizata e gazetarisë KRAKS në Romë, i cili për herë të parë është në vendin tonë, dhe bashkërisht me Papën Françesku arriti në vend me aeroplanin e tij, kjo është vizitë historike jo vetëm nga perspektiva e Vatikanit, por ka edhe shenja politike në lidhje me rastin.
“Kjo është vizita e parë e Papës Françesku në Maqedoni. Gjatë kohës së zgjedhjeve dhe pas ndryshimit të emrit, me çka u mënjanuan disa konflikte. Mbetet edhe disa çështje të duhet të zgjidhen”, thotë gazetarja Haris.
Gazetarja Sofija Papndopulou nga agjencia greke “ANA-MPA” thotë se vizita e papës Françesku është në kohën kur Maqedonia e Veriut po lëvizë drejt rrugës evropiane.
Mesazhi i deritashëm, thotë ajo, është i rëndësishëm për shkak të karakterit multi-etnik dhe multi-fetar të vendi mund të jetë model edhe për vendet tjera të rajonit në të njëjtën kohë.
“Vjen pas marrëveshjes së Prespës dhe pas zgjidhjes së problemit me Greqinë dhe Maqedoninë e Veriut dhe këtu ka mesazh”, vlerësoi gazetarja nga Athina.
Sipas saj, interesi i mediave është i madh kur është në pyetje vizita e Papës.
“Është mirë që në vend ku ka një përqindje të vogël të katolikëve, ka edhe mbulim nga mediat”, thotë Papadopulou.
Për Frani Karisi, nga portali “grtimes” nga Selanukum, kjo vizitë është historike jo vetëm për Maqedoninë e Veriut por edhe për gjithë Ballkanin.
“Është interesante në aspekt politikm për dy vendet tona, që kanë marrëdhënie më të mira nga vitet e kaluara. Shpresoj se Maqedonia e Veriut të ketë rezultate më të mira në ekonomi”, tha Karisi.
Kjo vizitë ka edhe rëndësi rajonale, vlerësoi Ivana Sekularac nga Reuters Ballkan.
“Vizita e Papës Françesku është e rëndësishme për Maqedoninë e Veriut, sepse mund të thuhet se është njeriu i dytë më i rëndësishëm në botë pas Trumpit, dhe në këtë kuptim është historike. Vjen në moment kur Maqedonia vendosi marrëdhënie të mira me fqinjët, i përmirësoi marrëdhëniet me Greqinë dhe Bullgarinë, me marrëdhënie të mira me ish fqinjë e Jugosllavisë’ deklaroi Ivana Sekularac.
