Nga Regjistri Qendror për “A1on” thonë se dokumentimi i plotë për ndryshimin e emrit në institucionin e Kryetarit të shteit është i kompletuar. Gjatë ditës së sotme institucioni do të marrë emrin e ri Kryetar i Republikës së Maqedonisë së Veriut.
Pasi ndryshimi i emrit regjistrohet, kryetari i sapo zgjedhur Stevo Pendarovski do të duhet të ndryshojë edhe vulat.
Më këto ndryshime, ndryshohet edhe emri i institucionit të fundit që përdorte emrin e vjetër, Republika e Maqedonisë. Ish kryetari Gjorge Ivanov nuk e pranoi emrin e ri kushtetues Republika e Maqedonisë së Veriut dhe refuzonte të ndryshojë emrin në Regjistrin Qendror dhe në web-faqe.
Ndryshimi i emrit të institucionit bëhet sipas ndryshimeve kushtetuese, që vjen pas nënshkrimit të marrëveshjes së Prespës. Pas emërimit të Stevo Pendarovskit në funksion ndryshimi i parë u pa te faqja zyrtare e kryetarit të shtetit.
