Policia në Maqedoninë Veriore njoftoi sot se kanë zbuluar tetë emigrantë të fshehur në kamion gjatë kontrolleve të rregullta në vendkalimin kufitar me Serbinë.
Emigrantët, qytetarë irakianë, u zbuluan pak para mesnatës në një kamionë me targa bullgare, njofton AP.
Policia tha se shoferi i kamionit ishte ndaluar dhe emigrantët u transferuan së pari në një strehë në qytetin e Gjevgjelisë dhe pastaj u deportuan në Greqi.
Autoritetet raportuan se emigrantët hynë në mënyrë të paligjshme në Maqedoninë Veriore nga Greqia dhe se qëllimi i tyre ishte të kalojnë në Serbi nëpërmjet vendeve të tjera evropiane.
Edhe pse rruga e emigrantëve, e cila është bërë e njohur si "rruga e Ballkanit" nga Greqia në vende të tjera evropiane është mbyllur qe nga viti 2015, shumë prej tyre vazhdojnë të përpiqen të kalojnë Ballkanin duke përdorur ndihmën e kontrabandistëve.