Kryeministri Zoran Zaev sot në margjinat e Forumit Ekonomik të Vjenës u takua me eurokomisarin për Zgjerim dhe Politikë të Mirë Fqinje, Johanes Han.
Në takim, siç kumton shërbimi i Qeverisë, Zaevi e informoi eurokomisarin Han për ngjarjet politike të fundit në vend, për zgjedhjet presidenciale të zbatuara me sukses, të cilat janë edhe një dëshmi se vendi është stabil dhe i sigurt dhe se me të drejtë meriton të marrë datë për negociata me BE-në kësaj vere.
Kryeministri Zaev, theksoi se nuk ka alternativë tjetër për Republikën e Maqedonisë së Veriut, përveç anëtarësimit të plotfuqishëm në BE dhe në NATO.
“Fillimi i negociatave për hyrje në BE është garancia e vetme se vendi edhe më tej do të jetë stabil se do të udhëheq politikë inkluzive dhe se do të vazhdojnë proceset reformuese në Maqedoninë e Veriut”, ka theksuar Zaev në takimin me Hanin.
Eurokomisari Han, nga ana tjetër, në takimin me kryeministrin Zaev shfrytëzoi rastin edhe një herë ta konfirmojë mbështetjen e tij dhe Komisionit Evropian për Republikën e Maqedonisë së Veriut në rrugën në të cilën është duke përparuar me hapa të mëdha, rrugën drejt NATO-s dhe BE-së.
