Ivanovska: Të mos dorëzohen ankesa të rrejshme në Komisionin për Antikorrupsion - Bota Sot
Ivanovska: Të mos dorëzohen ankesa të rrejshme në Komisionin për Antikorrupsion

Maqedonia

Ivanovska: Të mos dorëzohen ankesa të rrejshme në Komisionin për Antikorrupsion

Më: 21 maj 2019 Në ora: 11:26
Biljana Ivanovska,

Kryetarja e Komisionit Shtetëror për Parandalimin e Korrupsionit Biljana Ivanovska, bën thirrje që të mos dorëzohen raporte të rrejshme me qëllim që siç thotë, të diskreditohen kundërshtarët politikë.

Ajo thotë se pranimi i lehtë i ankesave të rrejshme e vendos Komisionin në shërbim të përleshjeve partiake, që bëhen me shpifje.

Ivanovska fton dorëzuesit e ankesave që në seancën e radhës, të njëjtat t’i dorëzojnë me të dhëna të vërteta.

“Kam reaguar pasi nuk është korrekte që me qëllim të dorëzohen ankesa të rrejshme, që të paralizohet puna e Komisionit dhe të prishet imazhi i atyre kundër të cilëve dorëzohet ankesa”, tha Ivanovska për BIRN.

Ajo shtoi se për momentin nuk ka instrumente për sanksionimin e subjekteve që dorëzojnë ankesa të rrejshme.

“Kemi disa ide të cilat do të ulin rrezikun e dorëzimit të ankesave të rrejshme”, thotë Ivanovska.

Seanca e radhës e Komisionit për Antikorrupsion është caktuar për nesër, ndërsa përveç shqyrtimit të lëndëve për korrupsion dhe konflikt të interesave, do të merret vendim edhe për shpalljen e të dhënave të besueshme për shërbime sekrete.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...