Opinioni në Maqedoninë e Veriut së shpejti do të tronditet nga një “bombë” e re përgjimi, shkruajnë portalet maqedonase, duke u thirrur në postime të qytetarëve që qarkullojnë në rrjetet sociale. Sipas portalit Express, pas pesë materialeve të publikuara në kanalin youtube përmes një kanali të emërtuar “Ilija Gromovnik” do të jetë një material tjetër që sic spekulohet protagonistë janë një pronar dhe një redaktor i një portali me një ministër qeverie. Në bisedë dëgjohen porosi për sulme të caktuara ndaj bashkëpartiakëve apo funksionarëve. Ky paralajmërim a do të jetë i lansuar apo vetëm spekulim do të dihet së shpejti, edhe pse me Ligjin e vitit 2015 publikimi i këtyre materialeve të përgjuara është i ndaluar rreptësisht.
