Lideri i VMRO-DPMNE-së, Hristijan Mickoski sot nëpërmes një video inçizimit tha se derisa kryeministri Zoran Zaev e lodh opinionin me kombinimet brenda partiake, dhe për të shkaktuar mjegull në opinion, ekonomia po vazhdon që të lëviz me rezultate negative, mossuksese dhe rënie të standardit të qytetarëve.
“Asnjë paradë e këtillë nuk mund të mbulojë të dhënat se investimet kapitale për katër muaj janë veçanërisht të ulëta dhe arrijnë 9.83 për qind nga investimet kapitale të planifikuara për tërë vitin. Këto rezultate janë më të këqija për 10 për qind nga periudha e njëjtë të vitit 2018, ku u realizuan gjithashtu investime të ulëta pre 10.96 për qind nga paratë e planifikuara për shpenzimet kapitale”, deklaroi Mickoski.
Ai tha se nuk ka investime për rrugë të reja, spitale, shkolla, nuk ka investime në ndërtimtari, lëvizja është e njëjtë ndërsa standardi është gjithnjë më keq.
Ai shtoi se nuk ka investime as infrastrukturë, ndërsa kjo është parakusht për një zhvillim ekonomik të qëndrueshëm, për përmirësimin e sektorit privat.
“Grupi ekonomik i Qeverisë është më i pasuksesshmi në historinë e vendit tonë”, tha Mickoski.
