Në provimin ekstern në gjuhë të huaj (gjuhë angleze, franceze, gjermane apo ruse), sot nga ora 10 fillon testimi i maturës shtetërore për vitin arsimor 2018/2019 ku do të marrin pjesë 15.553 nxënës.
Prej tyre 7.692 janë gjimnazistë, 7.604 janë nxënës të shkollave profesionale dhe 257 të shkollave të artit.
Sipas të dhënave nga Qendra shtetërore e provimit, në provimin për gjuhë angleze janë paraqitur 14.413 nxënës, 59 në gjuhë franceze, 201 gjuhë gjermane dhe 15 në gjuhë ruse.
Të shtunën e ardhshme do të zbatohet provimi ekstern në gjuhë amtare (gjuhë shqipe, gjuhë maqedonase apo turke) dhe literaturë, ku janë paraqitur 15.279 maturantë.
Më 11 qershor është testimi për provimin e tretë ekstern. Risi për këtë vit është se për herë të parë mund të zgjidhet edhe lënda e sociologjisë, ku janë paraqitur 569 kandidatë. Ashtu si në maturat e kaluara shtetërore, më së shumti paraqitje ka në biznes (4.206), histori (2.407), biologji (3.631), filozofi (2.691), kimi (227), fizikë (128) dhe estetikë 166 maturantë.
Më 13 qershor është testi në matematike ku janë paraqitur 2.049 kandidatë.
Për zbatimin e maturës shtetërore janë angazhuar 2.388 mësimdhënës dhe 200 mbikëqyrës nga Ministria e Arsimit dhe Shkencës, Qendrës shtetërore të provimit dhe nga Byroja për zhvillim të arsimit.
Sipas afatit ligjor, rezultatet e para duhet të publikohen më së voni një muaj pas mbajtjes së provimit të fundit.
Kandidatët që nuk do të kalojnë maturën shtetërore apo nuk do ta kalojnë plotësisht, do të mund që të hynë në provim sërish në sesionin e gushtit, më 12, 13, 14 dhe 15 gusht.
Projekti matura shtetërore organizohet nga vitit 2007 dhe është kusht për regjistrim në fakultet.
