Në seancën e fundit Qeveria ka vendosur që 8 qershori ( e shtunë ) të jetë ditë pune për shkollat fillore dhe të mesme, çerdhet dhe institucionet shëndetësore në tërë territorin e Shkupit.
Muahmed Hoxha zëdhënës i Qeverisë së Maqedonisë së Veriut bëri të ditur se ky vendim është marrë me qëllim që këto institucione të zëvendësojnë ditën e humbur të punës më 7 maj për shkak të vizitës së Papa Françeskut në Maqedoninë e Veriut.
Shkollat fillore dhe të mesme, çerdhet dhe institucionet shëndetësore do të marrin udhëzime nga Ministria e Punës dhe Politikës Sociale si dhe nga Ministria e Shëndetësisë. Hoxha potencoi se nga Qeveria edhe institucioneve private u kanë rekomanduar që 8 qershorin ta shfrytëzojnë si ditë pune.
