Pendarovski për vizitë në Bruksel: Pres konfirmimin për datën e negociatave

Maqedonia

Pendarovski për vizitë në Bruksel: Pres konfirmimin për datën e negociatave

Më: 12 qershor 2019 Në ora: 10:09
Stevo Pendarovski

Presidenti i Republikës së Maqedonisë së Veriut, Stevo Pendarovski sot qëndron për vizitë në Bruksel. Kjo do të jetë vizita e tij e parë në Bruksel, pasi mori detyrën si President i vendit.

Shefi i shtetit do të ketë takime të ndara dypalëshe me kryetarin e Këshillit Evropian, Donlad Tusk dhe përfaqësuesen e lartë të Bashkimit Evropian për Punë të Jashtme dhe Siguri, Federica Mogherini,

Ai pret se në takimet në Bruksel do të marrë konfirmim të plotë se Maqedonia e Veriut do të marrë datë për fillimin e negociatave. Në intervistën për Dojçe Velen, të publikuar dje thotë se gjatë takimeve në Bruksel, me përfaqësues të lartë të BE-së dhe NATO-s do të shprehë se vendi e ka përmbushur pjesën e saj të obligimeve.

“Vizita sjell porosi simbolike dhe është me agjendë de qëllim të saktë t’u themi të gjithëve me të cilët do të kemi takime, veçanërisht kryetarit të Këshillit Evropian, Donald Tusk, se Republika e Maqedonisë së Veriut e ka përmbushur pjesën e saj të obligimeve. Qartë të transmetojnë si ne shohim në konstelacionin e përgjithshëm të aspektit politik dhe të sigurisë dhe sfidave të cilat ekzistojnë në Ballkanin Perëndimor.

Këtu, fillimisht mendoj në argumentin se jemi vendi i vetëm në rajon ku opozita është në Parlament, i vetmi në të cilin funksionojnë të gjithë institucionet, i vetmi ku nuk ka asnjë çështje të hapur me fqinjët”, thekson ai në intervistën për Deutsche Wellen.

Ai shtoi se nuk duhet të harrohet dhe se në rajon ende ekzistojnë struktura dhe individë të caktuar politik të cilët komplotojnë koncepte për zgjidhjen e probleme të tjera, të cilat janë jo vetëm anakronizëm në shekullin 21, por paraqesin edhe rrezik potencial për stabilitetin dhe sigurinë rajonale.

commentFirst article
Sot mund të lexoni Shfletoni kopertinat