Xhaferi falënderoi deputetët e Bundestagut gjerman për ratifikimin e protokollit për anëtarësim në NATO - Bota Sot
Xhaferi falënderoi deputetët e Bundestagut gjerman për ratifikimin e protokollit për anëtarësim në NATO

Maqedonia

Xhaferi falënderoi deputetët e Bundestagut gjerman për ratifikimin e protokollit për anëtarësim në NATO

Më: 13 qershor 2019 Në ora: 20:39
Pamje nga takimi

Kryetari i Kuvendit të Republikës së Maqedonisë së Veriut, Talat Xhaferi, sot realizoi takim me deputetë të Bundestagut gjerman, Josip Juratovic, Renata Alt, Hansjerg Miler, dhe ishin të shoqëruar nga ambasadori i Republikës Federale të Gjermanisë në Republikën e Maqedonisë së Veriut, Thomas Gerberich.

Xhaferi në fillim të takimit u uroi mirëseardhje dhe shprehu falënderim të sinqertë ndaj Bundestagut për ratifikimin e Protokollit aderues për vendin tonë për anëtarësim në NATO dhe i informoi deputetët e nderuar se deri tani, 17 vende e kanë ratifikuar Protokollin aderues.

Kryetari po ashtu theksoi se anëtarësimi në Bashkimin Evropian është prioriteti ynë strategjik dhe nacional. Ai sugjeroi se në drejtim të arritjes së qëllimeve tona evropiane, u bënë reforma thelbësore sipas planeve “3-6-9” dhe “Planit 18” të Qeverisë, në pjesën e jurisprudencës, luftës kundër krimit të organizuar dhe korrupsionit, sidomos në transformimin dhe ndryshimin e tërësishëm të mënyrës së funksionimit të shërbimeve të sigurisë, që është me rëndësi thelbësore për ardhmërinë e shtetit tonë dhe parandalimin e keqpërdorimeve të mundshme të sistemit në të ardhme.

Shfaq komentet
comments powered by Disqus
Sot mund të lexoni Shfletoni kopertinat