Alioski largohet nga lokali vetëm pse foli shqip - Bota Sot
Alioski largohet nga lokali vetëm pse foli shqip

Maqedonia

Alioski largohet nga lokali vetëm pse foli shqip

Më: 13 qershor 2019 Në ora: 20:41
Ezxhan Alioski

Mbledhja familjare në një restorant të familjes Alioski sot në Prilep u shndërrua në një makth, dhe vetëm sepse Ezxhan Alioski dhe të dashurit e tij flisnin në gjuhën shqipe, në gjuhën e tyre amtare.

Ezxhan Alioski, lojtari i reprezentacionit të Maqedonisë së Veriut dhe një nga lojtarët më të mirë që luajtën kundër Polonisë dhe Austrisë edhe atë duke qenë i dëmtuar, sot e përjetoi shumë keq në Prilep.

Në të vërtetë, siç thotë vetë ai, ndërsa ai ishte në një restorant së bashku me familjen e tij, iu është “lutur” që të ngrihet dhe të largohej, ndërsa arsyeja ishte vetëm pse ai foli me të dashurit e tij në gjuhën shqipe, gjuhën të cilën flet ai. Me të vërtetë është e turpshme dhe për ta gjykuar.

“Jam shumë i irrituar me atë që ndodhi në Prilep. Shikoni, unë jam duke luajtur për ekipin e Maqedonisë, unë vij nga Anglia për të luajtur me gëzim për këtë përfaqësuese, ndërsa ja se çka përjetoj këtu. Kur fola me të dashurit e mi në gjuhën amtare, edhe pse nuk e fsheh që jam shqiptar, një njeri erdhi dhe më tha të largohesha nga restoranti vetëm sepse e dëgjoi gjuhën që komunikoja me familjen time. Unë me të vërtetë nuk kam fjalë, nuk ja dua askujt këtë”, tha Alioski i zemëruar dhe i revoltuar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...