Frika e punonjësve të statistikave nga kafshët shtëpiake është njëra nga vështirësitë jo formale që hasin në terren. Gjatë realizimit të regjistrimit provë të popullsisë, shtëpive dhe amvisërisë, në Kisella Vodë – njëra nga 13 komunat që po realizohet ky pilot, Monika thotë se po i marrin shumë kohë edhe banesat e zbrazëta që duhet t’i vizitoj derë më derë sipas renditjes në adresë. Sipas draft-ligjit të ri, anketuesit e kanë për detyrë t’i kontrollojnë rishtazi këto lokacione.