Nesër do të dihet fati i Qeverisë. Partia më e madhe në pushtet LSDM, në Ohër do të mbledh Këshillin Qendror ku do të diskutohet për vendimet që do të pasojnë pas njoftimit se data për negociata me BE-në mund të ndahet gjatë muajve të vjeshtës.
Sipas burimeve, tani më nga loja është përjashtuar opsioni i organizimit të zgjedhjeve të parakohshme. Kjo, për shkak se megjithatë, ndonëse jo në qershor, por brenda viti Maqedonia e Veriut do të merr datën për fillim të bisedimeve me BE-në.
Në kombinim vazhdojnë të mbeten disa opsione të tjera nga ata që ka paralajmëruar kreu i kësaj partie, e të cilat i përsëriti edhe pas takimit me kancelaren gjermane Angela Merkel.
Në mbledhjen e së dielës mund të vendoset për rikonstruim të Qeverisë, por edhe për kthim të mandatit të vetë kryeministrit dhe zgjedhje të një Qeverie krejtësisht të re.
Gjithashtu e hapur mbeten edhe mundësitë që Zaev të rikandidojë për mandate të ri, ose në vend të tij të nominoj një kandidat tjetër nga po e njëjta parti.
Gjithashtu gjatë ditëve në vazhdim mund të vendoset që përgjegjësi të kërkohet edhe vetëm për zvarritjen e procesit integrues si dhe nga disa funksionar të caktuar të cilët nuk kanë dhënë rezultate të pritura në punën e tyre.
Rikonstruimi i Qeverisë i cili tanimë është më se i sigurt nuk dihet vetëm nëse do të prekë një pjesë të ministrave apo të gjithë, si dhe nuk dihet nëse ndryshimet do të pasohen edhe nga partnerët e tjerë të koalicionit qeveritar.
