Në suaza të aksionit të inspektimit që Komuna e Çairit ndërmori për largimin e tarracave të vendosura pa leje në Çarshinë e Vjetër të Shkupit, Komuna e Çairit falënderon publikisht afaristët që respektuan ligjin dhe vetë larguan tarracat për të cilat nuk posedonin leje.
Nga Komuna thonë se ndaj tyre nuk do të shqiptohen dënimet e parapara ligjore.
“Aksioni i inicuar nga ana e Komunës së Çairit do të vazhdojë të realizohet dhe kreu i Çairit Ganiu garanton qytetarët se askush nuk do të kursehet dhe nuk do të jetë mbi ligjin. Afati për reagimin e vet pronarëve është 5 ditë pune. Pas këtij afati inspektorët dhe shërbimet e policisë do të largojnë tarracat pa leje dhe do të shqiptojnë dënimet adekuate ligjore”, thuhet në njoftimin e Komunës së Çairit.
