Xhaferi-Xhang: Do të rritet bashkëpunimi ekonomik mes Kinës dhe Maqedonisë - Bota Sot
Xhaferi-Xhang: Do të rritet bashkëpunimi ekonomik mes Kinës dhe Maqedonisë

Maqedonia

Xhaferi-Xhang: Do të rritet bashkëpunimi ekonomik mes Kinës dhe Maqedonisë

Më: 19 qershor 2019 Në ora: 11:01
Talat Xhaferi dhe Xhang Qingli

Në takimin me nënkryetarin e Komitetit Nacional të Konferencës Konsultative Politike Popullore, Xhang Qingli, kryetari i Kuvendit Maqedonisë së Veriut Talat Xhaferi, i cili e paraprin delegacionin e Kuvendit në vizitë oficiale të Republikës Popullore të Kinës theksoi se vizita e vitit të kaluar e Xhang në Maqedoni dhe kjo vizitë kthyese e tregojnë interesin e përbashkët për avancimin e mëtutjeshëm të marrëdhënieve dhe thellimin e bashkëpunimit.

Kryetari Xhaferi theksoi se vizitat e këtilla në nivel të lartë dhe marrëdhëniet e mira politike, sjellin me vete edhe përfitim të madh për qytetarët dhe ky është zgjerimi i bashkëpunimit ekonomik.

i, gjatë bisedave e vuri theksin mbi shfrytëzimin e mundësive për bashkëpunim ekonomik dhe theksoi se, përskaj pjesëmarrjes së kompanive kineze në ndërtimin e dy magjistraleve në Republikën e Maqedonisë së Veriut dhe pjesëmarrjen e mundshme në ndërtimin e infrastrukturës hekurudhore, investitorët kinezë mund të gjejnë interesin e vet edhe në zonat e lira ekonomike dhe në investimin në energjinë ripërtëritëse.

Si konfirmim të përcaktimit të këtillë, Kryetari Xhaferi e sugjeroi pjesëmarrjen aktive të Republikë së Maqedonisë së Veriut në procesin e bashkëpunimit 17+1 të Republikës Popullore të Kinës dhe vendeve të Evropës Qendrore dhe Lindore.

Nënkryetari Xhang nënvizoi se, përforcimi i marrëdhënieve parlamentare i jep kontribut të rëndësishëm marrëdhënieve të mira fqinjësore ndërsa propozimet për bashkëpunim ekonomik më intensiv i vlerësoi si të dobishme për të dyja vendet.

Ai theksoi se Republika Popullore e Kinës sheh në Republikën e Maqedonisë së Veriut mik dhe partner dhe shprehu gatishmëri për thellimin e marrëdhënieve ekonomike. Më tutje ai informoi për rezultatet mahnitëse të ekonomisë kineze në dekadën e fundit dhe përpjekjet që vazhdimisht bëhen për tejkalimin e zhvillimit jo të barabartë në vend dhe çrrënjosjen e varfërisë.

Përskaj përpjekjeve të vazhdueshme për arritjen e mirëqenies në shtet, Xhang tregoi se Republika Popullore e Kinës angazhohet edhe për mirëqenie më të mirë në botë dhe për këtë qëllim e zhvillon Nismën brezi dhe rruga.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...