Qeveria e Republikës së Maqedonisë së Veriut kategorikisht mohon dezinformimin se gjuha shqipe bëhet e detyrueshme për të gjithë nxënësit e shkollave fillore dhe se kjo është arsyeja për dorëheqjen e zv. ministrit Atanasov dhe kërkon nga portalet “Inforamax”, “Markukule”, “Netpress”, “Kurir” dhe “Veçer” të tërheqin lajmin e rrejshëm, tu kërkojnë falje qytetarëve dhe të informojnë se kanë bërë foto montazh me qëllim për të manipuluar.
Në këtë mënyrë, nëpërmjet informatave të pasakta, foto montazheve dhe manipulimeve të tjera, bëhen përpjekje për të ngacmuar qytetarët dhe për të prishur unitetin në shoqërinë tonë.
Qytetarët kanë të drejtë të informohen me saktësi, ndërsa për këtë qëllim të gjithë aktorët në shoqëri kanë përgjegjësi të madhe para interesit publik.
Gjuhët e bashkësive tona nuk duhet të shërbejnë për të frikësuar dhe manipuluar, përkundrazi ato janë thesar i paçmuar i mozaikut tonë kulturor.
