Ademi-Zhbogar: BE i mbështet proceset reformuese në fushën e arsimit - Bota Sot
Ademi-Zhbogar: BE i mbështet proceset reformuese në fushën e arsimit

Maqedonia

Ademi-Zhbogar: BE i mbështet proceset reformuese në fushën e arsimit

Më: 2 korrik 2019 Në ora: 17:48
Pamje nga takimi

Ministri i Arsimit dhe Shkencës, Arbër Ademi sot realizoi takim pune me ambasadorin e Bashkimit Evropian në Republikën e Maqedonisë së Veriut, Samuel Zhbogar, në të cilin është biseduar për ndryshime ligjore dhe politikat e Qeverisë në arsim.

Ademi, informojnë nga kabineti i tij, e njoftoi euroambasadorin për ndryshimet në Ligjin për arsim fillor dhe Ligjin për mësimdhënës dhe bashkëpunëtorë profesional, për krijimin e politikave të Ministrisë të Arsimit dhe Shkencës gjatë periudhës që udhëhiqet prej tij, si dhe për aktivitetet e ndërmarra në drejtim të përafrimit të sistemit tonë arsimor me sistemin arsimor të shteteve të Bashkimit Evropian.

Euroambasadori Zhbogar nënvizoi se BE- ja i mbështet proceset reformuese të cilat i ndërmerr Ministria e Arsimit dhe Shkencës dhe Qeveria e Republikës të Maqedonisë së Veriut, duke theksuar se janë partnerë të vërtetë të vendit në aspiratat euroatlantike. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...