Berlini pret që Qeveria e re greke ta respektojë Marrëveshjen e Prespës - Bota Sot
Berlini pret që Qeveria e re greke ta respektojë Marrëveshjen e Prespës

Maqedonia

Berlini pret që Qeveria e re greke ta respektojë Marrëveshjen e Prespës

Më: 9 korrik 2019 Në ora: 09:12
Mitsotakis dhe Merkel

Gjermania pret që Qeveria e re greke të ketë rol konstruktiv në procesin e normalizimit të marrëdhënieve me Maqedoninë e Veriut. Zëdhënësi i Qeverisë Schtefan Zeibert dje në konferencë për media në Berlin duke dërguar urimin e kancelares Angela Merkel për kryeministrin e ri grek Kiryakos Mitsotakis, tha se zgjidhja e kontestit shumëvjeçar për emrin nga ana e qeverive të Shkupit dhe Athinës është arritje historike që duhet të respektohet.

“Kancelarja Angela Merkel këtë e sqaroi disa herë. Kjo është arritje që mundëson normalizimin e marrëdhënieve mes Maqedonisë Veriore dhe Greqisë, dhe sinqerisht shpresojmë se qeveria e re greke në mënyrë konstruktive do të marrë pjesë në këtë proces pozitiv”, tha Zeibert.

Kancelarja Merkel në urimin deri te Mitsotakisi, thotë se pret me padurim të takohen dhe se shpreson për bashkëpunim të afërt miqësore dhe vazhdimin e marrëdhënieve të partneritetit mes Gjermanisë dhe Greqisë.

Merkeli e falënderoi edhe kryeministrin e deritanishëm grek Alexis Tsipras sepse në “shumë vite sfiduese, gjithmonë kanë arritur të zhvillojnë bashkëpunim të besueshëm dhe të respektuar”.

Kërkesë të respektohet Marrëveshja e Prespës dërguan edhe “Të gjelbrit gjerman”. Zëdhënësi i “Të gjelbërve” dhe deputet në Bundestag Manuel Saracin deklaroi se pret nga Qeveria e Mitsotakisit të vazhdojë me mbështetjen e Maqedonisë Veriore dhe të mos e rrezikojë ardhmërinë e vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...