Maqedonia e Veriut dhe Çekia do ta avancojnë bashkëpunimin në fushën e mjedisit jetësor - Bota Sot
Maqedonia e Veriut dhe Çekia do ta avancojnë bashkëpunimin në fushën e mjedisit jetësor

Maqedonia

Maqedonia e Veriut dhe Çekia do ta avancojnë bashkëpunimin në fushën e mjedisit jetësor

Më: 15 korrik 2019 Në ora: 16:50
Maqedonia e Veriut dhe Çekia

Ministri i Mjedisit Jetësor dhe Planifikimit Hapësinor Naser Nuredini, sot mbajti një takim me Ambasadorin e Republikës Çeke, Mirosllav Toman.

Siç njoftojnë nga ministria, takimi ishte në shenjën e mundësisë për shkëmbimin e mendimeve dhe përvojave, si dhe për intensifikimin e bashkëpunimit në fushën e mjedisit.

“Ministri Nuredini e shprehu vlerësimin e tij për mundësitë për bashkëpunim të ardhshëm dhe shkëmbimin e mendimeve dhe përvojave tona me Republikën Çeke, si dhe për të marrë informacione të dobishme që do t’i ndihmonin në realizimin e qëllimeve tona të përbashkëta, duke marrë parasysh nevojat kombëtare”, thuhet në njoftim.

Bashkëpunimi dypalësh i deritanishëm midis dy ministrive është iniciuar shumë kohë më parë dhe është institucionalizuar me nënshkrimin e një Protokolli dypalësh për bashkëpunimin në fushën e mbrojtjes së mjedisit më 17 qershor 2004 në Pragë, si rezultat i bashkëpunimit të gjatë në nivel ekspertësh.

Më tej në njoftim thuhet se protokolli jep një mundësi të shkëlqyer për të dyja palët për rritjen e përpjekjeve tona në drejtim të bashkëpunimit të projekteve konkrete duke marrë parasysh prioritetet kombëtare, menaxhimin e mbeturinave, ndryshimet klimatike, mbrojtjen e ajrit dhe ujit.

“Gjithashtu, ambasadori Toman, dhe ministri Nuredini e shprehën vullnetin për të zbatuar konkluzionet nga sfera e mjedisit që janë konstatuar gjatë Sesionit të dytë të Komitetit të Përbashkët për marrëveshje dypalëshe mbi bashkëpunimin ekonomik dhe industrial në zbatim në mes të Qeverisë së Republikës së Maqedonisë së Veriut dhe Qeverisë së Republikës Çeke, e cila u zhvillua në prill të këtij viti në Shkup, ku të dy ministritë e shprehën pëlqimin e tyre për harmonizimin/përditësimin në fushat prioritare për bashkëpunim në Protokollin e zbatueshëm për bashkëpunim në fushën e mbrojtjes së mjedisit nga viti 2004 apo hartimin e dokumenteve të reja bilaterale për nënshkrimin”, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...