Kryeministri Zoran Zaev në konferencën e sotme për shtyp foli për ekonominë në Maqedoni në dy vitet e fundit. Ai theksoi se ekonomia po lëviz në drejtimin e duhur.
“Të dhënat nga Organizata Botërore e Tregtisë tregojnë përparim të madh dhe ne kemi ulur në mënyrë drastike papunësinë. Kjo është për shkak të uljes të deficitit të bilancit tregtar. Të ardhurat neto nga investimet e huaja janë rritur, ndërsa ekonomia jonë është në rrugën e duhur. Prandaj Organizata Botërore e Tregtisë shkruan se “Maqedonia ka marrë masa për të rritur atraktivitetin ndaj investimeve të huaja”.
Zaev tha se Maqedonia e Veriut ka përparuar nga 25 vende të reja në indeksin global të inovacioneve. Në lidhje me klimën e biznesit renditet e 28-ta. Kjo është dëshmi se politikat ekonomike të qeverisë japin rezultate dhe ky është viti i ekonomisë.
“Ekonomia që trashëguam nuk premtonte shumë, ekzistonte zhgënjim, ne trashëguam një katastrofë ekonomike dhe financiare. Vëllimi i ekonomisë po zvogëlohej. Kemi punuar paralelisht në nivel ndërkombëtar. Tregtia me Greqinë është rritur. Me punën e përkushtuar dhe takimet e realizuara, ne stabilizuam trendët dhe kushtet ekonomike”, “tha Zaev.
Zaev tha se zhvillimet në Prokurorinë Speciale Publike janë në duart e prokurorëve dhe unë nuk duhet të ndërhyj aspak, as me qëllim të mirë.
