Gjykata Penale e Shkupit sot do të vendosë për ekstradimin që e kërkon Serbia përmes INTERPOL-it për ish-ushtarin e UÇK-së Tomor Morina, i akuzuar për krime ndaj popullatës civile.
Morina u arrestua në Maqedoni në Bllacë para një jave, ndërkohë Kosova dhe Serbia kanë thënë se do të shqyrtojnë marrëdhëniet me Shkupin, varësisht të vendimit të gjykatës.
Maqedonia është nënshkruese e Konventës evropiane për ekstradim, ndërsa pas kërkesës së dorëzuar nga Beogradi sot pritet të vendos gjykata.
Vendimin përfundimtar për Morinën do ta sjellë Ministria e Drejtësisë. Kryeministri Zaev duke u përgjigjur për këtë çështje, ka thënë se vlen e drejta ndërkombëtare dhe vendore.