“Siç kemi thënë më herët, këto janë akuza serioze që kërkojnë përgjigje serioze, themelore, transparente dhe në kohë. Tani është koha që Maqedonia e Veriut të tregojë vendosmëri për të mbështetur sundimin e së drejtës”.
Kështu ka shkruar në Twitter ambasadorja amerikane në Shkup Kate Maria Byrnes, e cila e ka shpërndarë statusin e eurokomesarit Johannes Hahn, i cili po ashtu ka komentuar ngjarjet pas publikimit të rastit “Haraçi”.
“Lufta kundër korrupsionit në nivel të lartë duhet të vazhdojë pa ndërprerë. Sa i përket zbulimeve të reja, është e rëndësishme të konfirmohet përgjegjësia juridike për të gjitha veprat penale, duke përfshirë edhe ata që dalin nga përgjimet e paligjshme”, shkroi mbrëmë Hahn.
Ai shtoi se askush nuk është mbi ligjin dhe nuk mund të ketë pandëshkueshmëri.
