Kryeprokurori shtetëror Ljubomir Joveski, sot në konferencë për shtyp ka dhënë detaje për arrestimin e kryeprokurores speciale Katica Janeva. Ai tha se hetimi për rastin “Haraçi” është zgjeruar dhe njëra nga të dyshuarat është edhe Katica Janeva.
Ljubomir Joveski duke u përgjigjur në pyetjen e gazetarëve tha se sipas Ligjit PSP ka ende mandat.
“Në pajtim me Ligjin me të cilën është themeluar PSP ende ka mandat dhe nëse prokurori publik i cili udhëheq me këtë Prokurori është e penguar, atëherë Këshilli i Prokurorisë Publike duhet ta konstatojë dhe menjëherë të caktojë ushtrues detyre prokuror special publik i cili do të udhëheq.
Ndërsa prokurorja Vilma Ruskovska për gazetarët tha për djalin e prokurores Katica Janevës nuk ka dëshmi të mjaftueshme se është përzier në ndonjë aktivitet ilegal.
Prokurorja Ruskosvka gjithashtu theksoi se nuk ka dëshmi se ndonjë koleg tjetër është përzier dhe se për momentin është kërkuar vetëm paraburgim për prokuroren Katica Janeva.
