Në Gjykatën Penale në Shkup sot do të duhet të vazhdojë gjykimi për rastin “Monstra”, i cili ka të bëjë me vrasjen e pesëfishtë në Liqenin e Smillkovës.
Në seancën e fundit u dëgjua një dëshmitar, ndërsa kryetari i Këshillit Gjyqësor Ognen Stavrev paralajmëroi ekspertizë të 31 telefonëve, e cila do të paraqitet si dëshmi e re. Ai tha se telefonët janë marrë gjatë kontrolleve në hetimin e parë.
Prokurorja Fatime Fetai e PSP-së e informoi gjykatën se pas përfundimit të kësaj pjese të procedurës, do të propozojë audio-incizime dhe transkripta nga bisedat e përgjuara lidhur me këtë rast.
Gjykata tha se do të duhet kohë të njihet përmbajtja e tyre dhe më pas do të vendoset për publikimin e tyre.
