Policia maqedonase ndalon 45 migrantë afër kufirit me Serbinë - Bota Sot
Policia maqedonase ndalon 45 migrantë afër kufirit me Serbinë

Maqedonia

Policia maqedonase ndalon 45 migrantë afër kufirit me Serbinë

Më: 22 gusht 2019 Në ora: 16:08
Migrantë në Gjevgjeli, pamje nga arkivi.

Policia në Maqedoninë e Veriut ka thënë se ka ndaluar 45 migrantë në një furgon afër kufirit me Serbinë, si dhe ka arrestuar ngasësin e mjetit, nën dyshimin e kontrabandimit me njerëz.

Në një komunikatë të policisë maqedonase është thënë se 42 migrantë janë pakistanezë, dy afganë dhe një sirian. Ata janë parë duke u larguar nga furgoni afër kufirit, transmeton agjencia e lajmeve, The Associated Press.

Migrantët besohet se kanë hyrë në këtë shtet ilegalisht nga Greqia dhe kanë paguar kontrabanduesit për t’i dërguar në Serbi, që më pas të kalojnë kufirin për të arritur në ndonjë vend të Bashkimit Evropian.

Policia ka thënë se këta persona janë dërguar në një kamp në Gjevgjeli, në pritje të dëbimit në Greqi.

Zyrtarët policorë po ashtu kanë thënë se kanë ndaluar 10,017 migrantë që kanë hyrë ilegalisht në këtë shtet në gjysmën e parë të këtij viti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...