Publikohet pjesë të dëshmive tjera për rastin “Reketi”

Maqedonia

Publikohet pjesë të dëshmive tjera për rastin “Reketi”

Më: 28 gusht 2019 Në ora: 16:35
Orce Kamçev

Derisa institucionet gjyqësore janë vënë në kërkim të fajtorit, i cili në opinion publikoi dëshminë e Orce Kamçev për rastin “Reket”, mbrëmë janë publikuar pjesë nga disa raporte të reja, ku besohet se të gjitha janë të dëshmitarit në rastin konkret. Të njëjtat i ka publikuar portali Infomaks, por vetëm me datat kur ata kanë dëshmuar dhe faqet e procesverbaleve, të vendosura në formë të pyetjes.

“A është e saktë që në dëshminë e njërit prej dëshmitarëve, të dhënë më 11.06.2019, për të cilin gjithashtu ka procesverbal prej gjashtë (6) faqeve, në faqen e pestë shkruan se…!”-shkruan Infomaks. Apo… “A është e saktë se në deklaratën e një dëshmitari tjetër më 28.06.2019, që nuk është pjesë e familjes Kamçev, në faqen e tyre të dëshmisë, thuhet se…”-përfundon Infomaks.

Këto publikime të reja të dëshmive të mundshme portali i publikoi pas deklaratës së prokurores Villma Ruskoska, e cila tha se akoma nuk ka asnjë informacion se si janë publikuar disa pjesë nga dëshmia.

Sipas saj, kryeministri Zoran Zaev është përmendur vetëm një herë në dëshminë e Orce Kamçevit kur ai rastin e ka paraqitur te kryeministri. Informacionet e publikuara në lidhje me përfshirjen e kryeministrit dhe politikanëve në rastin Reket për Ruskoskën janë dezinformata të disa mediave.

Ditë më parë, Zaev tha se pretendimet e disa mediave se ai dhe zyrtarë të tjerë janë të lidhur me aferën ishin lajme të rreme.

“Sigurisht, si të gjithë të tjerët, edhe mua më erdhi keq kur i shoh gënjeshtrat. Ne po mundohemi t’u përgjigjemi pyetjeve përmes së vërtetës me përgjigje”, tha  Zaev.

Pesë ditë nga publikimi i dëshmisë, asnjë nga Institucionet gjyqësore nuk përgjigjen se si ka rrjedhë raporti i Kamçevit.

Prokuroria për Krim të Organizuar rastin ‘Reket’ e ka dorëzuar deri te Gjykata Penale, por kryetari i saj Ivan Xholev, nuk mund të konfirmojë nëse aty ka qenë edhe raporti i Kamçevit, sepse lëndën e kishte dërguar deri te Gjykata e Apelit. Kryetarja e Apelit, Lidija Dimçevska për Alsat tha se lënda ka arritur në Gjykatë, por si kryetare, nuk ka pasur qasje në të. Lënda tanë është në Prokurorinë e Lartë.

commentFirst article
Sot mund të lexoni Shfletoni kopertinat