Këtë vit për herë të dytë do të mbahet përzgjedhja e “mashkullit të vitit” në Maqedoni. Kjo ngjarje këtë vit do të mbahet më 27 nëntor (e mërkurë), në një nga hotelet më luksoze në vend “Double Tree by Hilton”.
Zgjedhja e mashkullit të vitit, që është nën organizim të magazinës online për meshkuj Friday.mk dhe agjencisë për organizimin e ngjarjeve të tilla Momentum Inc., ka për qëllim të shpërblejë meshkujt më të suksesshëm tek ne dhe të ndikojë në të ardhmen tek plani personal dhe profesional tek çdonjëri prej tyre.
Zgjedhja e mashkullit të vitit ka për qëllim t’i motivojë meshkujt në drejtim të ndryshimit të kufijve personal, të nxit në sjelljen e vendimeve pozitive që ndikojnë në cilësinë e jetës dhe punës sonë, si dhe të krijojë imazh në bashkësinë e bizneseve.
“Është nder dhe kënaqësi për të shpallur për herë të dytë ngjarjen e zgjedhjes së mashkullit të vitit për vitin 2019, që do të mbahet në Double Tree by Hilton. Pas ngjarjes së vitit të kaluar e cila kaloi shkëlqyeshëm dhe u pranua nga gjithë opinioni, si organizatorë kemi paralajmëruar se kjo zgjedhje duhet të vazhdojë të paraqesë një manifestim të vërtetë, me të cilin do të vendosim meshkujt e suksesshëm në piadestal dhe do ta bëjmë këtë ngjarje traditë. Edhe këtë vit do të zgjedhim 10 meshkujt më të suksesshëm në 10 kategori, ku kryesorja do të jetë “Mashkulli i vitit 2019”, thonë organizatorët.
Përndryshe, mashkulli i vitit do të zgjedhet në disa kategori, përkatësisht mashkulli i vitit me vlera të qëndrueshme, mashkulli menaxher i vitit, menaxher i huaj i vitit, menaxher i ri i vitit, mashkull me arritje më të mëdha kulturore, mashkull me arritje më të mëdha në sport, mashkull me arritje më të mëdha në shoqëri dhe zgjedhja e mashkullit sipas rrjeteve sociale. Çdo kategori do të ketë jurinë e vet që do të jep propozime për nominime dhe do të zgjedhej ata që kanë më shumë vota nga juria. Do të zgjedhen ato që i përmbushin kriteret e organizatorëve.
Vitin e kaluar fituesi i çmimit “Mashkulli i vitit” ishte mjeki Vlladimir Çadikovski, i cili e fitoi çmimin e mashkullit me arritje më të mëdha në shoqëri. Fitues tjerë ishin edhe Zhivko Mukaetiv, Dushko Çifliganec, ambasadori holandez Wouter Plomp, Gjorçe Stavrevski, Kire Llazarov, ministri i Jashtëm Nikolla Dimitrov, Trifun Kostovski dhe Ognen Janeski.
Kjo ngjarje është e mbështetur nga ana e Lidhjes së Odave Ekonomike të Maqedonisë dhe Lidhjes së Menaxherëve të Maqedonisë, ndërsa njihet nga shumë kompani dhe individë të cilët mbështesin zgjedhjen e mashkullit të vitit.
