Bashkimi Evropian duhet të marrë një vendim për të filluar negociatat për anëtarësimin e Maqedonisë së Veriut dhe Shqipërinë, njofton “DPA”, duke përmendur pikëpamjet e disa ministrave të jashtëm të BE-së, me gjithë shqetësimet për ngecjen e përparimit në luftën kundër korrupsionit dhe krimit të organizuar.
“Mendoj se BE duhet të ketë një interes për Ballkanin Perëndimor”, tha ministri i Jashtëm gjerman Heiko Maas sot në Helsinki, duke sqaruar se është e rëndësishme të parandaloni të tjerët, të cilët nuk ndajnë të njëjtat vlera, të përhapin ndikimin e tyre.
Agjencia gjermane e lajmeve “DPA” kujton se anëtarët e BE-së në korrik shtynë vendimin e tyre për të filluar negociatat në tetor, përkundër që Komisioni Evropian vlerësoi që Maqedonia Veriut dhe Shqipëria kanë përmbushur të gjitha parakushtet.
Në atë pikë Gjermania nuk ishte e gatshme të jepte “dritën e gjelbër”, ndërsa Franca dhe Hollanda kanë shprehur rezerva për këtë çështje për ca kohë.
Shqetësimet kryesore kanë të bëjnë me Shqipërinë në veçanti, ndërsa për Maqedoninë e Veriut ekziston një konsensus parimor se ajo duhet të shpërblehet për atë se ka ndërmarrë një hapi të madh kur vitin e kaluar zgjidhi mosmarrëveshjen disa dekadash me Greqinë për emrin. Si rezultat, “rri pezull në ajër” ideja për fillimin e negociatave me Shkupin, ndërsa me Tiranën, është shtyrë, informon “DPA”.
