Maqedoni, debat publik për zbatimin e strategjisë për barazi gjinore për vitin 2018 - Bota Sot
Maqedoni, debat publik për zbatimin e strategjisë për barazi gjinore për vitin 2018

Maqedonia

Maqedoni, debat publik për zbatimin e strategjisë për barazi gjinore për vitin 2018

Më: 12 shtator 2019 Në ora: 10:44
Ilustrim

Në organizim të Komisionit për Mundësi të Barabarta të Grave dhe Burrave në Kuvend sot do të mbahet debat publik për raportin vjetor për zbatimin e Strategjisë për barazi gjinore për vitin 2018.

Krahas anëtarëve dhe zëvendës anëtarëve të Komisionit, në debatin publik të ftuar janë të gjithë deputetët e Kuvendit, ministrja e Punës dhe Politikës Sociale, koordinatoret për mundësi të barabarta të ministrive, kryetaret dhe koordinatoret e komisioneve lokale për mundësi të barabarta, kryetarët e komunave, përfaqësues të Avokatit të Popullit, Komisioni për Mbrojtjen nga Diskriminimi, Enti Shtetëror i Statistikës, Agjencia për Shërbime Mediatike Audio dhe Audivizuele, Agjencia për Punësim e RMV-së, IP Enti për Veprimtari Sociale -Shkup, BNJVL-ja, nga zyra e Mekanizmit kombëtar të viktimave të tregtisë me njerëz pranë MPPS-së, Instituti për Studime Gjinore.

Të ftuar janë edhe përfaqësues të organizatave ndërkombëtare, UNDP-ja, Trupi i KB-së për barazi gjinore dhe përforcim të grave (UN Women),OSBE, NDI, IRI, IOM, përfaqësues të sektorit të organizatave joqeveritare nga kjo sferë, ekspertë, si dhe përfaqësues të Delegacionit të Bashkimit Evropian në Republikën e Maqedonisë së Veriut dhe të Zyrës programore të Këshillit të Evropës në Shkup.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...