Prokurorja e PSP-së, Lile Stefanova sot tha se për momentin dorëzohen lëndët e PSP-së në Prokurorinë Publike.
Sa i përket nëse do të mbeten të njëjtët prokurorë që do t’i udhëheqin lëndët e PSP-së, Stefanova deklaroi se ende nuk dihet, përkatësisht Prokuroria Publike do të vendosë një gjë të tillë.
Gjatë ditës së djeshme, PSP njoftoi se është e gatshme t’i dorëzojë lëndët dhe dëshmitë në Prokurorinë Publike.
Në njoftim nuk u theksua nëse në Prokurori Publike do të dorëzohen edhe audio-incizimet, përkatësisht përgjimet ilegale.
Javën e kaluar, kryeprokurorja speciale Katica Janeva, e cila ndodhet në paraburgim për rastin ‘Haraçi’, kërkoi nga Prokuroria Publike t’i ndërmerr të gjitha lëndët, hetimit dhe procedurat parahetimore.
