Seanca e sotme gjyqësore për aksidentin në Llaskarcë, është anuluar.
Gjykatësja e lëndës Dijana Gruevska-Ilievska, duke e arsyetuar anulimin e gjykimit, tha se i akuzuari Ramiz Miftari duhet t’i nënshtrohet një operacioni.
“Seanca e radhës është caktuar me 15 tetor, shpresoj deri atëherë të përmirësohet gjendja e të akuzuarit”, tha gjykatësja Gruevska-Ilievska.
Gjykimi për rastin e aksidentit të autobusit në Llaskarcë në Gjykatën Penale të Shkupi filloi të gjykohet javën e kaluar. Gjatë fjalëve hyrëse të akuzuarit u deklaruan të pafajshëm.
Aksidenti i autobusot të kompanisë “Durmo Tours” ndodhi në shkurt të këtij viti, ku jetën e humbën 16 persona dhe dhjetëra të tjerë u lënduan.
