Nëpërmjet një njoftimi të OBRM-PDUKM-së thuhet se “Ministria e Punëve të Brendshme është e paralizuar në luftën kundër krimit për shkak të partizimit dhe korruptimit të Oliver Spasovskit dhe bashkëpunëtorëve të tij”.
Sipas OBRM-PDUKM-së, aksioni i realizuar është një fiasko, njofton Telegrafi Maqedoni.
“Aksioni ose është zbuluar nga kaudrot e korruptuara të Spasovskit ose qëllimisht kanë dhënë informacione të rreme për të mbrojtur narko bandat”, thuhet në njoftimin e OBRM-PDUKM-së.
Sipas tyre nuk ka mënyrë tjetër për t’u shpjeguar fakti që Spasovski angazhoi mbi një mijë policë në nivel shteti për të kapur marihuanë simbolike, aq sa mund të zbulojë në një disko klub.
