Krahas Negotinës, tabelat dygjuhësore janë vendosur edhe në Fondin për Sigurim Penesional dhe Invalidor në Kavadar dhe Prilep, por të njëjtat janë dëmtuar për pak orë.
Në Kavadar tabela e vendosur ka qenë vetëm dy orë ndërsa në Negotinë për 24 orë tabela nuk gjendet. Për Prilepin deri tani nuk ka informacione nëse janë dëmtuar tabelat dygjuhësore.
Ligji për përdorimin e gjuhëve u votua më 15 janar të këtij viti kurse institucionet kishin afat për gjashtë muaj të zbatojnë dygjuhësinë në institucione.
Partia opozitare maqedonase OBRM-PDUKM fuqishëm kundërshtonte miratimin e këtij ligji me arsyen se në këtë mënyrë po diskriminohen pakicat tjera në vend. Partitë shqiptare për miratimin e këtij ligji ishin të unifikuara.