Letra e re e ish-prokurores speciale, Katica Janeva me të vërtet ka arritur deri te selia e PSP-së. Për “Fokus” informacionin e konfirmojnë disa prokurorë. Një nga kërkesat e Janevës është që parat nga “Fondi i zi” ti jepen asaj që të paguaj shpenzimet për mbrojtjen e saj, si e dyshuar për rastin “Haraçi”.
Prokurorët u gjetën të prekur nga kërkesa, sepse siç sqarojnë paratë e fondit deri më tani janë shfrytëzuar për dasma, festa dhe fatkeqësi.
“Fondin vetë e kemi mbushur pas urdhrit të Janevës dhe ajo i ka kontrolluar mjetet, prandaj nuk e dimë sa para kanë ngelur. Para çdo muaj kanë dhënë prokurorët e deri tek punëtori i fundit”, thotë një prokuror.
Prokurorët çdo muaj kanë dhënë për fondin nga 3.000 denarë, ndërsa të punësuarit e tjerë nga 1.000 denarë.
Ish-shefja e PSP-së, Katica Janeva gjatë ditës së nesërme para prokurores Vilma Ruskovska duhet të jap dëshmi si e dyshuar për rastin “Haraçi”.
