Ish-kryeministri i Maqedonisë, Vllado Buçkovski ka paralajmëruar se përsëri ka ringjallje të forcave që e kanë larguar Maqedoninë larg Bullgarisë në periudhën e komunizmit dhe socializmit, dhe ato forca po përpiqen përsëri të pengojnë marrëveshjen e fqinjësisë së mirë dhe ta largojnë vendin tonë nga pista evropiane.
“Është e qartës e afrimi i Maqedonisë drejt pranimit në BE, ndërsa është e qartë anëtarësimi në NATO do të zgjojë përsëri forcat që duan të destabilizojnë përsëri Ballkanin. Këto forca kanë frikë nga aleanca dhe koalicioni i madh i krijuar nga udhëheqjet aktuale të Maqedonisë dhe Bullgarisë në rrugën për në BE”, tha Buçkovski.
Profesori sqaroi se një situatë e tillë është për lojëra të përditshme politike dhe paralajmëroi që forca të tilla ekzistojnë edhe në Bullgari, të cilët dëshirojnë që marrëveshja e fqinjësisë së mirë të mos zbatohet.
“Është e qartë se në Maqedoni ka tendencë për t’u zgjuar përsëri te forcat anti-bullgare që duken të shqetësuar për afrimin e dy kombeve vëllazërore. Por nga ana tjetër, kam një ndjenjë që edhe në Bullgari disa politikanë kanë frikë nga marrëveshja dhe qasja e të dy palëve, sepse çështja maqedonase do të mbyllet dhe ata do të duhet të përqendrohen në problemet e përditshme në shoqëri. Jam i bindur se ne duhet të jemi aleatë dhe si maqedonas mendoj se nuk kemi një mik më të madh se Bullgaria dhe populli bullgar. Kjo natyrisht që shqetëson dikë në Shkup dhe Sofje”, thotë Buçkovski.
