Rezultati ishte se nuk na lejoi të merrnim një vendim dhe kjo nuk është mirë për Ballkanin apo për Greqinë, tha kryeministri grek Kyriakos Mitsotakis në një konferencë për shtyp në Bruksel për rezultatet e Samitit të BE-së, duke folur për zgjerimin e BE-së, informon AIM nga Athina.
“Nuk ishte e mundur të arrihej unanimitet. Tre vende nuk u pajtuan, kështu që rezultati nuk ishte të na lejonte të merrnim një vendim. Unë mendoj se kjo nuk është mirë. Dhe unë mendoj se nuk është mirë për stabilitetin e përgjithshëm të Ballkanit, sepse perspektiva evropiane e Ballkanit Perëndimor duhet të mbahet e hapur, në mënyrë që të ketë një stabilitet më të madh dhe prosperitet ekonomik në rajon. Unë nuk mendoj se është mirë për Greqinë, sepse arma kryesore që Greqia ka në duar për t’u marrë me çështjet që ka me të dy vendet lidhet me perspektivën evropiane”, tha Mitsotakis.
Ai sqaroi se sa më afër të jenë dy vendet në rrugën evropiane, aq më shumë Greqisë i jepet mundësia të merret me problemet në nivelin dypalësh brenda procesit të negociatave të BE-së.
Mitsotakis theksoi se Greqia mbështet perspektivën evropiane të Ballkanit Perëndimor dhe “ka vendosur kushte konkrete në proces”.
