Policia e Shqipërisë në aksionin e përbashkët me Sektorin e Krimeve Ekonomike dhe Financiare pranë Komisariatit policor të Elbasanit, konfiskoi kantë me djathë të kontrabanduara nga Maqedonia e Veriut.
Bëhet fjalë për 142 kantë me djathë, por nuk theksohet pesha në total.
Malli i kontrabanduar është zbuluar në rrugën Librazhd-Elbasan, gjatë kontrollit të automjetit që e ka drejtuar 32-vjeçari nga Tirana.
Materiali dëshmues është dorëzuar në Prokurorinë pranë Gjykatës Themelore të Elbasanit, ndërsa i dyshuari do të përgjigjet për “tregti dhe transport të mallit të kontrabanduar” dhe “fshehje tatime”.
