Sassoli: Kemi pasur një seri kërkesash nga Maqedonia e Veriut, duhet të japim sinjal

Maqedonia

Sassoli: Kemi pasur një seri kërkesash nga Maqedonia e Veriut, duhet të japim sinjal

Më: 2 nëntor 2019 Në ora: 12:12
David Sassoli

Në një intervistë për AIM-së përpara vizitës së tij në Maqedoninë e Veriut të hënën, Presidenti i zgjedhur i Parlamentit Evropian, David Sassoli thotë se bllokada e negociatave të BE-së e ka bërë publikun evropian të vetëdijshëm për rëndësinë e çështjes.

Për Sassolin, vetoja franceze në samitin e fundit është vetëm një pengesë e vogël në rrugë që do të tejkalohet në muajt e ardhshëm.

Në lidhje me faktin nëse ai është i shqetësuar se premtimet franceze mund të dëmtojnë besueshmërinë e BE-së, se BE do të peshojë më pak kur dërgon mesazhe në vend dhe rajon, ai tha se: “Unë e thashë këtë para Këshillit të fundit Evropian dhe isha shumë e qartë për temën. Ne kemi pasur një seri kërkesash nga Maqedonia e Veriut dhe Shqipëria dhe tani duhet të sinjalizojmë që ato janë në rrugën e duhur. Ajo që u nevojitet është të vazhdojnë përpjekjet e tyre. Sa e vështirë ishte kjo kohë për Maqedoninë e Veriut deri më tani? Sa pengesa ka dashur të kapërcejë me fqinjët e saj, me BE-në, për ta arritur këtë? Maqedonia e Veriut ka punuar me zell në këto reforma dhe ka bërë shumë përpjekje. A duhet të humbet e gjithë kjo për shkak të një pengese të vogël gjatë rrugës? Jo”, tha Sassoli.

Ai mendon se perspektiva e anëtarësimit nuk është e vdekur, por që vetoja e Francës ishte vetëm një pengesë e vogël.

commentFirst article
Sot mund të lexoni Shfletoni kopertinat